نبدأ مع بعض يلا بسم الله الرحمن الرحيم

1- الأدوات اللى هنحتاجها:
مقص وقلم ومسطرة ولزق وكرتون واسفنج وقماش وخيط وابرة

2-
هنختار الحرف اللى هنعمله .. انا اخترت الحرف J أول حرف فى اسم بنتى جودى
ربنا يحفظهالى .. وكتبته على كمبيوتر بفونت كبير وطبعته على ورقة عشان يطلع
مظبوط


3- باستعمال الكربون طبعت الحرف من الورقة المطبوعة على الكرتون .. وباستعمال المقص قصيت الكرتون على شكل الحرف بتاعى

4-
حطيت الكرتون على الاسفنج وقصيت الاسفنج على قد الحرف بتاعى بالظبط وبعدين
لزقتها على الكرتون من الوش وعملت واحدة كمان ولزقتها من الضهر عشان تبقى
سميكة





5- وبعدين بدأت أقص القماش عشان يبقى على قد
الحرف وخيطته فى السفنج وغطيته كويس .. خلى بالكوا دى اصعب خطوة واكتر
واحدة محتاجة تركيز عشان القماش يطلع مشدود ومظبوط .. القماش اللى اخترته
نفس القماش بتاع ستارة الأوضة عشان يبقوا لايقين




6- وفى الاخر زينته بورود وقلوب ... كنت عايزة استعمل خرز كمان بس ماكنش عندى ..
وطبعا ماتنسيش تعملى من ورا حاجة تعلقى بيها الحرف .. انا استعمل شريط ساتان صغير.
ودى صور للشكل النهائى