هذه كلمات مسروقه من دفتر طفل كتبها بعاميه اللغه ودهشه السؤال؟؟!!
السبت
فتحت عيوني ..ادور عن النور.. امروني < غمض > وغمضت .. بعدها ماشفت لا أبيض ولا أسود !
الاحد
كنت اسمعهم يقولون < العن ابوك > <ياحمار > <ياحيوان >
<ياثور><يابقره> <يالوح><ياجدار>....
فتوقعت اني بحديقه حيوانات فتحت عيوني ابغى اشوف هـ <الحيوانات> قالولي : مايصلح تشوف قله ادب...
الاثنين
سمحوا لي اشوف التلفزيون كنت لحالي منسجم مع آفلام كرتون دخلت امي وكان ابو عائله ادمز (يبوس) امهم ... ركضت امي ... غيرت القناه ..
وصرخت باعلى صوتها " عيب عليك قاعد تشوف قله ادب..."
ناظرتها بكل براءه وانا متعجب من الي صار "طيب وش صار ؟؟ ابوهم يبوس امهم "
قالت لي وهي معصبه مرررره (التبويس قله حيا ء...)
بعدها باسبوع شفت امي تسلم على ام الجيران (وتبووووووسهااا) قلت لها وانا كلي آسى " ياماما التبويس قله حياء " !!
الثلاثاء
كانوا بنات خالتي عندنا وكنت الولد الوحيد اللي يلعب معهم
وابوي بس يبحلق عيونه فيني وين مارحت ووين ماجيت ..
بعد ماراحوا ناداني ابوي وقال " عيب الواحد يجلس مع بنات قله ادب "
بعدها بكم يوم كان ابوي جالس مع عماتي ناظرته بطرف عيني ( وتبون الصدق حقدت عليه )
وقلت له " اللي يجلس مع بنات قليل ادب "
الاربعاء
كنت اسمعهم يقولون " صدام قوي ".....واعجبني ...بعد الازمه .. قالوا " حرامي ومجرم "
سألتهم : كيف!! قالوا <حرامي ومجرم وبس اسكت >
وكنت اسمعهم يقولون بعد (جيم كاري ..فاسد ) ....فكرهته على طول وكانوا يشوفون افلامه ويضحكون ...
كنت اسالهم " ليه تضحكون ؟! ...ماتقولون انه فاسد "
قالوا : ورا ماتنطم بس ..!!؟؟
الخميس
ابوي يقول <التدخين > حرام ... واللي يدخن يدخل النار
وفي يوم شفت ابوي جالس مع صديقه ابو حمد ماسك السيجاره بيده..
وقفت وسالت ابوي " طيب اللي يجلس مع اللي يدخنون .. يدخل النار بعد "
الجمعه
اسمعهم يقولون ان اللي يطول في مكالمته يغازل واللي يروح السوق يغازل واللي يعرف انترنت يغازل ...
وامي تطول على التلفون وتروح السوق وتطقطق على الكمبيوتر
رحت لابوي وانا مصدووم " ابوي الحق ....
امي تغازل !!!!!
للاسف هذي صور من المجتمع
للامانه منقووووووول
بس سؤاالي
لماذا لانوضح للطفل المقصد الاساسي من هذا المنع او من كلمه ( عيب ) ؟؟!!
حتى لايعمم كل مايراه ويطبق عليه هذا الوصف كما في الصور..
بالطبع
هم لم يقصدوا ماقصده الطفل ولكن لم يوضحوا له .. ويفهموه لماذا عيب ولماذا
حرام راح ينظر لكل تصرف من زاويه مايفهمه هو ! فما الفائده إذا لم نوضح
هدفنا الاساسي لاطفالنا..
![]()
الموضوع الأصلي :
كلمات مسروقه من دفتر طفل .........ودهشه السؤال؟؟!! //
المصدر :
منــــ اســــ فيب ـــلام ـتديـــات //
الكاتب: elhabib89 | ضع تعليق بحسابك فى الفيس بوك |
|
الثلاثاء أغسطس 13 2013, 04:05
المشاركات
النقاط
السمعة
موضوع: كلمات مسروقه من دفتر طفل .........ودهشه السؤال؟؟!! 