اللهم صل على محمد وال محمد

نهئنى جميع المسلمين والمسلمات والمؤمنين والمؤمنات والى جميع المراجع الكرام وجميع الاعضاء والاداريين والمشرفين والى من يقراء
في ولادة امام المتقين

الامام علي بن ابي طالب عليه السلام



خيـالي ياعـلي مهما اتسع هـيهات

يقــدر يوصفك بابيـات مسطورة

أحلـى امـن القمر إنت يبو الحسنين

اوتواصيف الحسن بس بيـك محصورة

اوكـل ذرة ابكياني ياعلي اتعشقـك

اومـهجتي بعـد بمحبتك مسـحورة

بشـر لاكالبـشر إنت يأغـلى الناس

بارينـه اخلقـك ياعلي مـن نـوره

ابوجودك ياعلـي الكون انوجـد والله

اومـن روعة وجودك روحي مـبهورة

اوغـده ابمحراب عشـقك قلبي يتعـبد

وانـت الـذكر والفاتحـة والسـورة

اونسايم لطفك اتسربت وسـط احشاي

اوطـفـت بالحشـه نيـران مجمـورة

اوأنـا كلي إلـك منـذور يـامولاي

اوموبـس آنـه كل الدنيـه منـذوره

على ضـفة شواطيك رسـيت اليـوم

وبـروحي الشـعر تتـلاطم ابحـوره

وبمـايك غسـلت احزانـي ياكـرار

وبـذكرك اذنوبي صـفت مغفــورة

ابفــرح ميــلادك الدنيـه تهـنيني

اوبـطنان العرش مرسـلي اعطــوره

وسـلم بـالخـتام اعلـيك يـالغالي

سـلام اومنبـعه من مهـجة مسرورة

اوثلاث مـرات اصـلي اعلـيكم الليله

اوأصـليها تمـام اولاهـي مبتــوره








قصيدة بمناسبة ولادة الامام علي ( عليه السلام ) للشاعر المبدع نهاد الخيكاني


موش عله الورق اكتب بحلك الحوت

قصيدة وما خفت ينبلع مطلعها
كالو تنبلع كتلهم اتحداه
على عناده ارد اشوفه شلون يبلعها
انا كاتب علي باول سطر ماخاف
طلع منه يونس ما يطلعها
سهل يابو الحسن لو صعب شنسميك
حازم لو سمح لو كلها جامعها
بنفس جفك علي اتركع فتوك الثوب
علي اتشيل الزلم بالكاع تركعها
بتاريخك اشوفن خيل تردم خيل
وخبزة وجف يتيم وروس كاطعها
واجه التاريخ غيرك سكته يا مولاي
بحيث الابرة من اطيح تسمعها
انت مو بلال اليصعد عله البيت
النبي رادك علي الاذان ترفعها
شافك تحت منها امطفر الحيطان
تصعد فوكها عله الكاع تطبعها
علي ما ترد كلك من ترد للبيت
كلك مال غيرك ما ترجعها
اكيد تبات كلك عالارامل سور
عدا ابهامك يبات بحلك رضعها
الضدك يـــا علي راس وعقب مگلوب
يرى الوديان فوك الجبل موضعها
اول يا علي الواكف عدل يقراك
بس المنگلب يقراك رابعها
ادري شلون لحك ينزع ابن العاص
اليمك ما يلحك ايده يرفعها
علي سيفك برق لحك نزعها شلون
احلف من طلع من بيته نازعها
علي بطبتك للجن ما شلعت الكاع
جا بس خيبر عله عداك قالعها
الحجي ابيناتنا شالعها يابو حسين
بس انته علي وما كلت شالعها
رجعت الشمس لا سيدي ماكو
ربك لان ما صليت رجعها
لان جنت بصلاتك تسعد الرحمن
اشتهى نغمة دعائك راد يسمعها
شكد جفوف عدك لا تكلي ثنين
عقول الحبتك يا سيدي اقنعها
كوفة ايتام عندك وانته يا مولاي
جنت بأن واحد كلها تشبعها